El Conceyu prepara un plan pa Tolos Santos de seguridá énte la COVID-19

El 1 de payares ye'l día de mayor asistencia a los cementerios de Ciares, Xove y Deva.

El plan anti-covid del Conceyu de cara a Tolos Santos consiste nun conxuntu de midíes de prevención desendolcaes por CEGISA, la empresa que xestiona los cementerios municipales, pa garantizar la seguranza y evitar axuntamientos importantes de persones. Una de les propuestes ye encamentar a los ciudadanos a visitar les tumbes de los sos seres queríos el día 2 o nes xornaes previes, dende'l 24, con un refuerciu de la llinia 25 qu'enllaz Deva cola villa.

Va haber controladores en toles instalaciones los díes 30, 31 y 1, que van vixilar el cumplimientu de les midíes de proteición énte'l coronavirus SARS-CoV-2, como l'usu obligatoriu de mázcara, y guiar les rutes d'accesu y salida que se van habilitar. En concreto, en Deva va emplegase la puerta principal pa entrar, y en Ciares les 1, 2 y 7, amás de la movilidá reducida, mentes que nel restu van usase valles pa diferenciar les víes.

Na semeya, cementeriu de Deva.