La Policía Llocal usa la llingua asturiana

La cuenta na rede social Twitter espubliza un mensaxe n'asturianu sobre los horarios de salida nesta fase de la desescalada.

La Policía Llocal usó ayeri la llingua asturiana per primer vegada nun mensaxe, lo que xeneró numberoses reaiciones positives de los usuarios. En primer llugar espublizó una información en castellanu, que nel momentu de la redaición d'esta noticia sumaba 7 retwets y 17 corazones, y poco depués la so versión n'asturianu, que yá lleva 114 y 409, de manera respeutiva.

El tweet tenía como oxetu esplicar los "horarios de salida pa neñes y neños". Amás da indicaciones pa les families que puedan usar les sableres del conceyu, como que "los pás y más o l’acompañante nun podrán bañase" (sic) o que nun puedan llevar "toalles, hamaques o sombriyes".

HORARIU DE SALIDA PA NEÑES Y NEÑOS: DE 12:00 A 19:00.
1hora
1km al rodiu la so casa
1 adultu namai
1 vegada al día
Podrán tar xugando nel arenal (nel sable) de les playes, pero: Los pás y más o l’acompañante nun podrán bañase
Nin llevar toalles, hamaques o sombriyes.⛱ pic.twitter.com/XeGH8aXbmO

— POLICIA LOCAL GIJON (@GijonLocal) May 5, 2020