Chaves tomó posesión del so cargu na Casa Conceyu

L'edil de Podemos-EQUO siguió'l Plenu nun portátil dende'l salón de receiciones.

Anque nun primer momentu baraxóse la posibilidá de que tomara'l cargu dende casa de manera telemática por cuenta de les midíes pola pandemia de COVID-19, Juan Miguel Chaves finalmente tuvo qu'acudir a la Casa Conceyu. Baxo la mirada de l'alcaldesa Ana González y de los voceros de los grupos municipales prometió ensin poner la mano la Constitución y recoyó la medaya y la insinia que taben asitiaes sobre la mesa, pa evitar contautos.

Darréu dirixóse al salón de receiciones pa siguir dende un ordenador el so primer Plenu como edil. Na sesión aprobáronse tolos asuntos trataos, ente ellos trés declaraciones institucionales: sobre'l 8-M, pa la declaración de la Universidá Llaboral como Patrimoniu Mundial pola UNESCO y respeuto a la crisis sanitaria.