La Universidá Popular abre la matriculación pa los sos más de 150 cursos

Cola llegada de febreru comienza la ufierta nueva de cursos de la Universidá Popular. En total van ponese en centros municipales y otres instalaciones del Conceyu 153 cursos repartíos en 12 categoríes que van dende ‘Artesanía y artes aplicaes’ a ‘Teatru y danza’.

La matrícula va tar abierta pa tolos cursos hasta’l viernes 7 de febreru, pudiendo formalizase la inscripción al traviés d’Internet, accediendo a la plataforma de matrícula o direutamente calcando nesti enllaz, al través de l’aplicación p móvil ‘igijon’ o faciendo usu de la rede de caxeros ciudadanos. Cada propuesta tien places llendaes, siendo habitual que se cubran toles places, y nellos pueden participar toles persones mayores de 16 años.

Na programación nueva destaca la novedá de 28 cursos con respeuto a la ufierta d’ochobre. Ente ellos destaquen los itinerarios arqueolóxicos con motivu del 25 aniversariu de los museos arqueolóxicos del conceyu.

Les estayes nos que se repartes los 153 propuestes son les siguientes: ‘Artesanía y artes aplicaes’, ‘Dibuxu y pintura’, ‘Educación y habilidaes personales’, ‘Fotografía y videu’, ‘Gastronomía’, ‘Historia, arte y patrimoniu’, ‘Informática y Internet’, ‘Lengua y literatura’, ‘Música’, ‘Naturaleza y ciencia’, ‘Salú, psicoloxía y prevención’ y ‘Teatru y danza’. Ente los cursos d’esta temporada nun s’ufierta’l tradicional de ‘Llingua Asturiana’.