Joaquín dexa la RFEF y torna al Sporting

Va ser el responsable de Rellaciones Institucionales, cargu qu'ocupaba Quini.

El xugador con más partíos cola camiseta roxiblanca (644 ente Lliga, Copa, Copa de la Lliga y Copa de la UEFA), Joaquín Alonso, torna al Sporting. Hasta agora presidente de l'Asociación de Veteranos del Sporting y seleicionador español de fútbol-playa dende'l 2002, va abandonar el so llabor na Real Federación Española de Fútbol (RFEF) pa facer el d'embaxador del club xixonés.

Esti cargu taba ermu dende hai añu y mediu. El so primer y únicu responsable foi Enrique Castro 'Quini', otru históricu xugador del Sporting, fináu en febreru del 2018.