'Amelie' traxo raches d’aire de 110 quilómetros per hora y numberosos estrozos

El temporal 'Amelie' ximelgó Xixón esti domingu con agua y raches d’aire que llegaron a los 110 quilómetros per hora. Cayíes d’árboles, qu’obligaron a pesllar el parque Isabel la Católica, y numberosos incidencies caltuvieron en señal d’alerta a los servicios d’emerxencia.

Ún de los accidentes más espectaculares diose en Carlos Marx, onde un árbol de grandes dimensiones cayó sobre dos vehículos aparcaos. Nun foi l’únicu, con exemplares valtiaos pola fuerza del aire nel parque d’Isabel la Católica, que foi peslláu al igual que los campos de golf municipales, o en Somió.

La única cifra oficial conocida sobre la racha mayor d’aire na madrugada del domingu, cuando 'Amelie' garró más fuercia, diola l’Axencia Estatal de Meteoroloxía (Aemet) del so mididor del Aeropuertu d’Asturies, y foi de 130 quilómetros per hora, anque aficionaos xixoneses llegaron a rexistrar d’hasta 111 en Xixón. La mariña xixonesa ta n’alerta naranxa por fenómenos costeros güei y mañana, mentes que l’avisu rebaxa al mariellu’l miércoles.

Na semeya, árbol cayíu en Carlos Marx.