La visita solidaria d'ochobre va percorrer el Xixón romanu

Toles perres recaudaes nes trés salíes van destinase a la Fundación Hogar San José.

‘Xixón romanu’ ye la propuesta pa esti mes d’ochobre que forma parte del ciclu de visites solidaries que Xixón Turismu entama a lo llargo de 2019. Partiendo de la Oficina d’Información Turística InfoXixón, allugada n'El Fomento, visitaránse les Termes Romanes de Campu Valdés pa siguir la ruta pel barriu de Cimavilla, onde se siguirá'l percorríu de la muralla romana y s'asitiará un pozu que permitió estrayer y almacenar agües soterrañes, y terminar nel Puertu Deportivu.

Les visites van realizase mañana y los díes 20 y 27 a les 12 hores, con un llargor de 2 hores, y tienen un costu de 5 euros. Pa participar ye necesaria inscripción previa n’InfoXixón, nel teléfonu 985.34.17.71 o nel corréu electrónicu infogijon@gijon.info.

Na semeya, Campu Valdés.