L'UC Ceares entama unes xornaes de deporte inclusivu pa da-y visibilización

Lleven el nome de 'Sin límite' y inclúi dende talleres a exhibiciones de delles modalidaes.

L'Área Social del UC Ceares entama estes xornaes güei y el sábadu. La primer actividá va desendolcase nel Centru Municipal Integráu d'El Coto a les 20 hores y va consistir nun alderique moderáu pol comentarista deportivu de RPA Fernando García de Dios con representantes d'AsturGoalBall (fútbol pa persones invidentes), CD Samo (club de fútbol d'usuarios de salú mental), Blind Tennis (tenis pa invidentes) y taekwondu y yudu adaptaos.

El Colexu Públicu Campoamor, yá'l sábadu, va acoyer la segunda parte de les xornaes de deportes inclusivos de 11 a 13 hores. Los asistentes van poder vivir un exhibición d'estos mesmos deportes por parte de les sos protagonistes baxo'l lema 'Me pongo en tu piel', incluyendo talleres nos que se convidará a la reciella y a los adultos a participar y xugar con ellos.

Toles actividaes son de baldre. 'Sin límite' cuenta tamién cola collaboración de la Universidá d'Uviéu, Retina Asturias, Sound Tennis y Down Principado de Asturias.

Semeya propiedá de Sound Tennis.