El pabellón del Conceyu na FIDMA recibió 94.644 visites
|
21 Agostu, 2018 por Redacción
El pabellón, qu’esti añu tuvo dedicáu a los hermanos Castro, rexistró 33.822 visites más que l’añu pasáu.
A lo llargo de los 16 díes que tuvo abiertu al públicu, ente’l 4 y el 19 d’agostu, el pabellón de Xixón na Feria de Muestres d’Asturies recibió esta edición 94.644 visitantes, 33.822 más que la cantidá algamada en 2017.
El día de mayor afluencia foi’l sábadu, 11 d’agostu, día que visitaron el pabellón de Xixón 8.943 persones. L’aporte foi continuu y nun s’observen diferencies n’abondo según la selmana. El fin de semana primeru, 4 y 5 d’agostu, pasaron pel estand 7.234 persones; la selmana primera, del 6 al 12 d’agostu, afayáronse nel pabellón 44.220 persones; mientres que la selmana segunda, del 13 al 19 d’agostu, fixéronlo 43.190.
La esposición instalada nel pabellón llevó por títulu 'Quini y Castro. Tributu a los hermanos Castro. La so vida y la buelga que dexaron nos sportinguistes".
