El Sporting valta al Barcelona y va disputar el títulu xuvenil col Atlético

La final de la Copa de Campeones, que da plaza pa Europa, va xugase'l sábadu a les 12 hores y va poder siguise en direuto per GOL.

El Sporting xuvenil consiguió superar al máximu favoritu y campeón actual de la Lliga Moza de la UEFA, el Barcelona, nun emocionante partíu que finó col resultáu de 2-1. Sandoval abrió'l marcador nel minutu 9 tres aprovechase del rebote nel poste d'un remate de cabeza de Pelayo Morilla, tantu que los d'Isma Piñera supieron defender con orde mientres casi una hora de partíu.

Foi nel minutu 64 cuando Marqués s'adelantaba a la defensa roxiblanca pa cabeciar a gol un centru dende la izquierda. Yera'l momentu nel que'l Barcelona más apretaba al Sporting, pero los roxiblancos nun-y perdieron la cara al partíu tres l'empate.

Asina, nuna xugada rápida'l balón cayó a los pies de Yoel, qu'avanzo pela banda derecha pa poner un centru per baxo que, tres nun consiguir rematar Pelayo Morilla nel primer palu, recoyó Ferre nel segundu pa marcar. Los nueve minutos restantes, más los cinco que dio l'árbitu d'añadíu, el Barcelona siguió apretando, pero tuvo más cerca'l terceru del Sporting, que vio como l'árbitru anulaba por fuera de xuegu una xugada na que Gaspar arrancaba dende'l so propiu campu, col guardameta azulgrana Lazar fuera de la portería.

El sábadu, tamién nel Príncipe Juan Carlos de Ciudad Real, los d'Isma van disputar la gran final de la XXIV Copa de Campeones, onde espera l'Atlético, que superó al Tenerife por 1-0. El vencedor gana plaza pa la Lliga Moza de la UEFA, anque'l club colchoneru algama automáticamente puestu na competición al clasificase'l so equipu profesional pa la Lliga de Campeones.

Semeya obra de Lurdes Redondo / Federación de Castilla La Mancha.