Preséntase en Xixón la obra ensín asoleyar de Pachín de Melás
|
20 Avientu, 2017 por Redacción
El llibru ta editáu xunto cola Academia de la Llingua Asturiana (ALLA) dientro del alcuerdu de collaboración de dambes instituciones.
Emilio Robles Muñiz 'Pachín de Melás', escritor n'asturianu más popular del primer terciu del sieglu XX, nació nel 1877, hai agora 140 años, una efeméride que llevó al Conceyu de Xixón y a l'ALLA a editar la so 'Obra manuscrita', entovía ensin asoleyar. Ésta ta compuesta por un estudiu preliminar de los autores Clara y Ramiro González Delgado y once testos dramáticos.
La presentación del llibru va celebrase mañana, a les 19.30 hores, nel Centru de Cultura Antiguu Institutu, actu nel que van tar presentes Ana Montserrat López Moro, conceyala d'Educación y Cultura; Xosé Ramón Iglesias Cueva, secretariu de l'ALLA; y Ramiro González Delgado, editor. 'Obra manuscrita' ye'l frutu del acuerdu de collaboración ente l'ALLA y el Conceyu de Xixón que permitió, por exemplu, asoleyar l'añu pasáu la reedición n'edición facsímil de 'Sol en los pomares', de Matías Conde.
