De visita per Cimavilla
|
3 Mayu, 2017 por Redacción
Esti pasáu martes 2 de mayu realizáronse les visites guiaes pel barriu de Cimavilla programaes dientro d'esta Selmana de les Lletres Asturianes.
Esta actividá foi pela mañana pa escolares y pela tarde, de 19:30 a 21 hores, pal públicu en xeneral. Estes visites salien de la Plaza’l Marqués, onde la estatua de Pelayo, pa percorrer el vieyu barriu pesqueru col acompañamientu de les esplicaciones n’asturianu del guía Denis Soria. El Campu Valdés, la Casa Natal de Xovellanos o’l ‘Elogio del Horizonte’ de Chillida foron dalgunos de los puntos que se visitaron.
La prósima activadá en Xixón d'esta Selmana de les Lletres sedrá nel Teatru de La Llaboral el xueves 4 a les 18 hores cola gala d'entrega de premios del IV Certame de Teatru Escolar en Llingua Asturiana/Gallego-asturianu' cola representación d'obres premiaes y la entrega de premios en toles categories.
