La Semana Internacional de Montaña calez motores

Del 28 de payares al 2 d'avientu va celebrase una edición nueva de la Semana Internacional de Montaña de Gijón 'Julio Bousoño', la trentena novena. Sicasí, l'actividá va comenzar esti llunes cola 'Pre-Semana', novedá d'esti añu, que va consistir en cinco charres.

Toes elles van tener llugar na sede social de l'Agrupación Montaña Astur Montecerredo, a les 19.30 hores, a esceición de la del xueves, siendo la primera 'Marcha Nórdica: La Técnica FITTREK', a cargu de Sonia Menéndez, perteneciente al club Tundra Nordic Walk. Mañana, mentes, el turnu va ser pa Aída Nuño, que va falar 'Bicicleta, mujer y montaña'.

Complenten esta 'Pre-Semana' del certame les charres 'Esquí de Travesía”, conducida por Pablo Alonso Castañón y Chechu Rosas (miércoles); 'Ultratrail: dos objetivos, una mentalidad', impartida por César Castaño y Santi Obaya (xueves); y 'Las claves de la nutrición aplicadas a los deportes de montaña', protagonizada por Laura González García (vienres). La conferencia del xueves va ser la única que va tener llugar fuera de la sede de Torrecerredo, en concreto na del Grupo de Montaña Ensidesa, na avenida de la Constitución númberu 17.