Tricky / CANCELÁU

L'infiernu yera Tricky…, y el cielu tamién. Cuando espublizó 'Maxinquaye', esi debut qu'entovía sigue vixente 25 años depués, Adrian Nicholas Matthews yera un misteriu indescifrable, una criatura llegada de les solombres que se presentaba énte nós depués de dir al debalu per un purgatoriu ensin puerta de salida. ¿D'ú venía Tricky?

La so música sensual y afrodisíaca, en cambio, yera daqué familiar que reconocimos nel intre: los impulsos que despertaba llevábamoslos dientro y los abrazamos al instante. Ente l'infiernu y el cielu construyó'l so propiu llimbu p'ayudar a construyir el soníu Bristol. Portishead, Massive Attack y él foron las trés pates sobre les que se llevantó'l trip-hop.

La carrera de Tricky terminó por desbordar la etiqueta qu'él mesmu definiera, mientres collaboraba con Björk, Neneh Cherry, PJ Harvey, Bobby Gillespie o Grace Jones. Depués de facelo cuasi too, tendría derechu a esvanecese col mesmu misteriu col qu'apaeció, pero en setiembre asoleyó'l so discu más inspiráu nuna década, l'escurísimu 'Fall to Pieces'.

L'artista decidió cancelar los sos conciertos nel Estáu d'esta seronda pol “aumentu de les restricciones y les complicaciones alministratives y llegales derivaes de la COVID 19 nel Reinu Xuníu, que faen inviable entamar esta xira”.
Hora: 20h