Pequeños de cine

Esiste un cine destináu a les audiencies más moces y al públicu familiar que tien como oxetivu, amás de proporcionar entretenimientu y contaxar entusiasmu, ufrir a esti públicu conteníos diversos, alternativos y innovadores que-yos permitan crecer como espectadores críticos. Un tipu de cine que desgraciadamente atopa pocu acomodu nos ámbitos comerciales del audiovisual y que comparte con Llaboral Cinemateca una vocación pola formación d'espectadores nuevos con una mirada más abierta y plural.

Nesta sesión ideada de manera especial pal públicu infantil y xuvenil, reunimos obres orixinales y estimulantes qu'arramen idees y encantu, munches d'elles con una trayeutoria esitosa en festivales estatales y internacionales. El so llargor ta ente los 8 y los 15 minutos.

'Le petit tigre sans rayures (Tiger with no stripes)', de Raul ‘Robin’ Morales Reyes (Suiza y Francia, 2018).

'Tocadora', de Joana Imaginário (Portugal, 2017).

'Flachmann', de Philipp Bürge (Suiza, 2018).

'Morning cowboy', de Fernando Pomares (España, 2016).

'Muedra', de Cesar Díaz Meléndez (España, 2019).

'Geno', de Dato Kiknavelidze (Xeorxa y Alemaña, 2017).
Hora: 17.30h