El caballero incierto

Na escelente novela 'La carne', de Rosa Montero, hai escondida una pequeña xoya. Ye la historia imaxinaria de Josefina Aznárez, personaxe mayúsculu, apasionante, máxicu…, d'esos qu'apaecen mui de xemes en cuando, pero que se te queden clavaos pa siempres.

Josefina ye un personaxe malditu, una invención esgarrada y dolorosa de la condición de ser muyer. Esa muyer bien podría ser Hildegarda de Bingen, María Lejárraga o George Sand.

El so destín cruciase un 3 de payares del 1893 col españíu y posterior traxedia del vapor Cabo Machichaco... A partir d'equí, ye Laila Ripoll la qu'escribe esti monólogu. Josefina entra nes solombes y desapaez pa convertise en pantasma, en mitu, en carne d'escenariu. Pa nun desapaecer nunca.

Esti caballeru inciertu ye un homenaxe a eses muyeres valientes, silenciaes y escaecíes. 'El caballero incierto' trata de nosotres y del nuesu llugar nel mundu.

• Repartu: Silvia de Pé.
• Direición: Alberto Castrillo-Ferrer y José Recuenco.
• Idea orixinal: Silvia de Pé.
• Diseñu d'espaciu escénicu: Anna Tusell.
• Diseñu d'illuminación: Juan Gómez-Cornejo.
• Espaciu sonoru y música orixinal: David Angulo.
• Diseñu de vestuariu: Arantxa Ezquerro.
• Producción: Teatro Español, Come y Calla, y Silvia de Pé.

Hora: 20.30h

Preciu: 18 €