Delagua

'Animalías' ye un viaxe al traviés de los sentíos, un universu sonoru emocional, onde les hermanes Sil y Gema Fernández, acompañaes de trés músicos d'esceición, Héctor Tuya, Sergio Pevida y Alfonso Vega, aporten enerxía, profesionalidá y orixinalidá sobre los escenarios. Ye un proyeutu musical que pretender exercer como revulsivu contra la dictadura de la perfeición. Reivindica, al traviés de los sos cantares, la orixinalidá frente a la homoxeneidá, la ruptura de los cánones impuestos; defende la guapura de lo diferente, la vuelta al orixe, la esencia.
La propuesta de Delagua pal Paraninfu de la Llaboral llega cargada de temes qu'abarquen un ampliu abanicu de posibilidaes, dende la crítica social, la defensa de los derechos de la muyer, el tratamientu de lo cotidianu como daqué esceicional, l'humor como arma de construcción masiva o la simbiosis natural ente poesía y música. Too esto, acompañao de la proyeición de videos y imáxenes qu'actúen como soporte integrador y evocador de lo que n'escena se manifiesta.
Hora: 13h