Aplázase a mayu'l conciertu de Sergio Dalma na Llaboral

Por cuenta de les midíes preventives tomaes pa frenar l'espardimientu del coronavirus.

La fecha nueva va ser el sábadu 23 de mayu a les 21 hores, siendo les entraes válides pa esa xornada. Les persones que quieran devolveles, tienen pa ello un plazu de 30 díes dende'l miércoles.

Sergio Dalma celebra trés décades de carrera con '30… y tanto', un proyeutu en forma de discu y xira que conmemora la so trayeutoria con un enfoque nuevu de los sos ésitos, ensin dexar pasar la oportunidá de presentar nueva música a los sos siguidores. Pasáu, presente y futuru xuníos nel proyeutu d'una de les voces más personales y reconocibles del panorama musical en castellanu.

ENTRAES ESCOSAES
Hora: 21h
Preciu: Foso: 60 € / Patio de butacas: 50 € / Anfiteatro: 35 €