Anarquismos (Por el medio de la habitación corre un río más claro)

Obra que cuenta'l suañu d'un home adultu que recuerda la casa y a los trés compañeros colos que compartió los sos primeros años de mocedá. Dende la conciencia de que la memoria y el suañu son mecanismos imperfeutos, sabe que sólo nesi territoriu indefiníu, cruciáu por lluces y soníos de la historia, amosarán-y la so identidá actual. 'Anarquismos' ye una pieza sobre l'ausencia, los suaños, el mieu y el silenciu que tienen llugar en cualesquier grupu o constelación familiar. Y, al empar, dibuxa les espeutatives d'una xeneración qu'enfrenta per primera vegada los sos errores y la so falta de proyeuto común. Estructuráu como un poema épicu y como un retratu de grupu, el montaxe inspírase na visión de los vencíos, de los marxinales y de los instantes decisivos onde aquellos que tuvieron dalgo en común, idees y utopíes, dexen de tenelo.


Performers: Angela Millano, Cláudio da Silva y Rocio Berenguer.


Testu y direición: Pablo Fidalgo.
Hora: 20:30h