'Frankenstein', d'El Desván Teatro

Víctor Frankenstein, obsesionáu cola creación de la vida a partir de la materia muerta, consigue reanimar a una criatura compuesta por partes de diferentes cadáveres. A partir del mesmu momentu de la so nacencia, refugará la so creación, abandonándola a la so suerte nuna ciudá na la que la peste ta faciendo estragos.

La criatura consigue abellugase nuna cabaña na que recibirá un poco de calor humanu y una educación elemental que lu permitirá enfrentase al mundu. A partir d'ehí, el so oxetivu será atopar al so creador pa reclama-y la responsabilidá que, pa con él, debe-y.

Nesa busca dira atopando la violencia y el refugu de tolos que s'alcuentren con él. Destináu a vivir en solitariu, esixe al so creador una compañera pa compartir la vida.

Víctor Frankenstein, atáu pol so terrible secretu, del que fai partícipe al so meyor amigu, Henry Clerval, accede a los requerimientos de la criatura y retírase a Alba a crear a esa 'compañera'. Pero, asustáu pola reaición qu'esti nuevu ser pueda tener, rompe col so pautu y niega-y a la so creación la esposa que-y prometiera.

Mientres, la so prometida, Elizabeth Lavenza, esperando una boda que paez nun llegar nunca, esixe a Víctor un compromisu firme pa celebrar el so matrimoniu. Lo qu'ella inora ye que'l 'monstruu' conoz el so paraderu y nun se detendrá hasta vengar tolos sufrimientos que Víctor Frankenstein causó-y, dando llugar a una persecución que llevará a entrambos, creador y criatura, hasta'l final de la tierra.

Autor: Alberto Conejero a partir de la novela de Mary W. Shelley.

Direición: Antonio Castro Guijosa.

Intérpretes: Alberto Amarilla, Alfonso Delgado, Noelia Marlo, Francisco Blanco, Gonzalo Validiez y Ángela Carrero.
Hora: 20.30h