Actualidá

Carriles-bici Xixón desescalada coronavirus

Xixón entama'l procesu de desescalada dando prioridá a los peatones y les bicicletes

El corte d'un carril d'El Muro abre un periodu nuevu pa los xixoneses depués de seis selmanes de confinamientu. El llunes comienza la fase 0 de la desescalada y dende'l sábadu van permitise les salíes pa pasiar y facer deporte, periodu nel que peatones y ciclistes van tener preferencia, ampliándose los carriles-bici.

San Pedro

El Martes d'Antroxu y San Pedro caltiénense como festivos nel 2021

La Conseyería d'Industria, Emplegu y Promoción Económica confirmó les fiestes llocales de tolos conceyos del país.

Sablera de San Llorienzo

Les sableres urbanes abren pa la reciella

Dende'l domingu 26, fecha afitada pol Gobiernu estatal pa empezar a relaxar les restricciones pol estáu d’alarma pola pandemia de COVID-19, neñes y neños que vivan cerca van poder pasiar peles sableres urbanes. El Conceyu de Xixón tamién va abrir parques y espacios verdes, a esceición de los xuegos infantiles.

Trampa p'aviespa asiática

La primer fase de la campaña contra l’aviespa asiática fina con 250 trampes instalaes

El Plan d’Actuación pa la Detección y el Control de la Aviespa Asiática permitió la instalación de 250 trampes pa frenar la espansión d’esta especie invasora. Instaláronse nos puntos onde ye más factible la so presencia y van revisase nes selmanes próximes cada 15 díes.

Siega de parques y xardinos EMULSA

Retómase'l mantenimientu y siega de parques y xardinos

Les condiciones nueves del estáu d’alarma por cuenta de la pandemia de COVID-19 permiten a EMULSA, que sigue coles xeres de hixenización, retomar el mantenimientu y siega de parques y xardinos del conceyu. Tamién s’abrió otra vuelta’l puntu llimpiu de Roces tres un mes colos cuatro que cuenta Xixón pesllaos.

Juan Miguel Chaves y Yolanda González Huergo

Chaves podría tomar posesión del cargu de conceyal dende casa

El Plenu del día 15 va celebrase de manera telemática pol estáu d'alarma pola COVID-19.

Tres la suspensión del de marzu, un cambiu na Llei de Bases de Réximen Llocal entamada pol Gobiernu estatal va permitir a la conceyos recuperar l'actividá plenaria. Va ser nuna selmana y nél va tomar posesión Juan Miguel Chaves como conceyal.

Aviespa asiática

Llucha contra l’aviespa asiática: trampes en 200 puntos del conceyu

La Unión de Cooperativas Forestales de Asturias va encargase dende esti martes de la execución del Plan d’Actuación pa la Detección y el Control de la Aviespa Asiática. Van colocase trampes en 200 puntos del conceyu pa lluchar contra esta especie invasora.

Recintu Ferial Luis Adaro

El Recintu Ferial Luis Adaro va ser sede d'un hospital de campaña

Va disponer de 144 cames nel pabellón central pa tratar a persones con COVID-19.

El conseyeru de Salú, Pablo Ignacio Fernández Muñiz, treslladó'l martes pasáu a la Cámara de Comerciu de Xixón la posibilidá de facer usu de les sos instalaciones pa la instalación d'un hospital de campaña. Dende esi momentu púnxose en marcha tola infraestructura pa que nos díes próximes pueda tar disponible.

Pages