V Alcuentros de Músiques Asturianes: La Bonturné

26 Ochobre, 2017
V Alcuentros de Músiques Asturianes: La Bonturné

Esti xueves 26 a les 19:30h. nel CMI Atenéu La Calzada .

Esti cuartetu de maestros, conocíos de la escena musical como integrantes de formaciones de Folk, Pop y Jazz, ('La Bandina', 'Eye in the sky', ...) participaron y collaboraron colo más variao de la música asturiana (Folkgando, Anabel Santiago, Dixebra , J.V. & Carrio latin jazz, Rossaleda, Lliberdón, Dark La Eme, Pauline en la Playa, etc…). Avérenmos a un repertoriu adautáu pal baille nuna llinia mui rellacionada col 'bal-folk' européu, axuntando conocimientos clásicos y maestría na espontaneidá xunto cola capacidá d’improvisación y el frescor creativu, tresmitiendo un prestosu y singular soníu.
Nos últimos años, amás d’una bayura conciertos rescampla’l so trabayu desarrolláu en Bretaña (Francia), collaborando con Alain Pennec, Arnaud Ciappolino y Roland Conq, Gilles Servat, Kevren Alré, Roñsed Mor etc.
Tán preparando’l so primer discu con esta formación y grabaron un tema creáu especialmente pal recopilatoriu infantil Bestiariu 2.
Integrantes: Merce Santos (zanfoña), David Varela (acordión diatónicu y voz),Santi Caleya (gaita y saxu sopranu) y David Casillas (contrabaxu).
 

Sitiu: 
Atenéu Obreru de La Calzada
Localidá: 
Xixón
Tipu d'eventu: 
Música
Contador Estadistiques