'Over the limit'

25 Setiembre, 2018
'Over the limit'

Rita Mamun ye, con namái 20 años, una atleta rusa d'élite en ximnasia rítmica que llegó al momentu clave de la so carrera deportiva. Pronto retiraráse, pero'l so oxetivu final ye convertise en campeona olímpica. Ésta será la so oportunidá cabera pa facer realidá el so gran suañu: ganar l'oru nos Xuegos Olímpicos de Brasil. ¿Cuál ye'l preciu que los y les atletes tán dispuestos a pagar pa llegar al ésitu?
'¡Nun yes un ser humanu, yes una atleta!'. Al traviés de los sos entrenamientos vemos les rellaciones que s'establecen ente entrenadores y atletes pa llegar al ésitu, amás de la presión física y mental a la que se ven sometíes les deportistes d'élite.
Ésti ye'l retratu de una atleta moza que llucha pa consiguir lo qu'ambiciona al empar que cumple coles espeutatives del esixente sistema oficial d'entrenamientu rusu, dexando de llau la so vida personal.
Marta Prus ye una documentalista polaca, graduada en direición de documentales pola Andrzej Wajda Master School. Mientres la so infancia foi miembru del equipu polacu de ximnasia rítmica mientres 7 años. Posteriormente foi baillarina nel Hanna Kamińska Dance Studio, fundáu pola National Ballet School de Varsovia. 'Over the limit' ye la so cinta de debut.
Hora: 19:30h.

Sitiu: 
Antiguu Institutu Xovellanos
Localidá: 
Xixón
Tipu d'eventu: 
Proyecciones
Contador Estadistiques